Saturday, December 13, 2008

Christmarx.

…apo arti i mashtrimit...


I
...në fillim ishte fjala


Ai lindi brenda,
për të dalë jashtë rrugës
së historisë.
E virgjër nuk ishte e ëma,
ishte fjala.
Kur tha:
- Jepni dashuri,
mori dënimin si heretik.
Dashuria atë kohë kish qenë
tepër e shtrenjtë për tu dhënë.
(ashtu është dhe tani)

I kryqëzuan duart,
për të mos e prekur.
Këtë jetë e la për të mos vdekur.
Dhe ngeli në dru,
për tu varur padrejtësisht.
Përjetësisht i gozhduar,
në simbolin e vdekjes, lakuriq.
I dënuar me puthje të fëlliqta,
në amëshim,
prej tempullarëve
që dëboi me kamzhik.


Fjalë zemre mos thuaj o Krisht.
As mos fol për ëndrra.
Ato bien mbi shpirtgurë,
dhe u tingëllojnë si verdhushka.
Mbulojnë shpirtrat e njomë,
me robën e zezë të shpirtit vet.
Burgosin. Dhe pasi i vrasin,
përmes mashtrimit shpresën shesin.



II
…një fantazmë vërtitet nëpër Evropë.

Letër.
Dërgon: Karl Marx
Merr: Evropa industriale.
Flas me frymë revolucionare,
(mallkuar qofsh!)
Pagat janë minimale,
Kushtet patetike,
Shpresa, gënjeshtër biblike
Ëndrra - e përgjakur
Dëshira e përflakur,
si leckë në trotuar.
Pushteti, ndarë mes zgjyrash
që përplasin dyer zyrash.
Pa u thënë kush –Ndal!
Gënjeshtra - premtim elektoral
Mashtrimi - çmimi kapital
Grushti - simbol proletar.

Përgjigje:
Revolucioni është mëkat.

(Sa keq, nuk patëm fat.
Letrën e lexoi Lenini)

III
asgjë e re nën këtë diell...

Krisht dhe Marks,
Ky fundhjetori
të dy i ka prekur
Nën thirrjet e të parit
të dytin për të djegur.
Apo veç pemën simbol?
Ajo që kur u shkul prej rrënjësh,
kishte vdekur.
“Unë jam drita e botës”.
Apo iluzion ndriçues?
Mbulues i brengës së këtij qyteti.
Apo reklamë?
E kllounit të të dyve, mjekërbardhë.
Me freskuesen brand mark në dorë,
qejfi i ngelet që nuk po shitet.

Ironi,
nëna e absurdit,
që bie si shi,
mbi qiellin plumb të Athinës.
Zhytur nën trysninë e vet,
si bark i fryrë mes ndërtesash dhe rrugësh
vjell tërbimin.

Një qiri,
nuk mjafton për të kujtuar
të vdekurin e madh dymijëvjeçar
apo të voglin pesëmbëdhjetë.
Jemi në ditën e dhjetë.
Ku më shumë digjet,
më pak shitet.
Tërbimi nuk njeh çmim,
as ligj kërkesë oferte.
Më mirë kështu,
kurrë të mos shitet,
por të djegë më pak.
Asgjë e mirë nuk është mbjellë në hi

32 comments:

edrus said...

Nëse kujton se jam aq i pagdhëndur që të përndjek mitet dhe të pres tek e treta që të flasësh për Skënderbeun, gabohesh rëndëëëëëëë... sepse nëse ka vetëm tre pjesë, në vëndin e paplotësuar duhet të hyjë SALAAAAAAAAAAAAAAAAAAAAAAAAA! :P

P.s: Përse "lindi brënda për të dalë jashtë"?

Julius said...

:D
Sepse lindi njeri dhe u bë/ e bënë zot. Në këtë mënyrë "doli jashtë". Dmth në kuptimin e mirë të fjalës.

lol Po skemi punë me Salën mer. I treti është miks i ktyre të dyve.
Njerit i ngjan nga mjekra, dhe ka ditën e lindjes të njëjtë me tjetrin.

Anonymous said...

Ma dhj.ve me duket, une doja dicka ta kapja me shkelma ti ma sjell ne formen e femres poezi.
Me nxirr nje burre para te pjesa e trete te lutem se me femrat le te zihen te tjeret.

p.s e forte ajo mbi shenjtorin e komunistit, vetem se komunisti lufton qe te jape barazi dhe e jep. i ben te gjithe pabuksa.

Julius said...

Hej Hyllino, e ke vrarë ndonjëherë mendjen, pse e djathta nuk ka përfaqësues të artit nga gjiri i vet?

Anonymous said...

Nuk e kam vrare , po sic te kam thene ne fsh arti perhere shkelqen nga nevojat e elites, mbase ky rol u jep njefare bezdie, meqe me teper se cduan ata kane qene te detyruar te bejne vepra qe u pelqejne atyre qe u paguajne e financojne veprat.
Arti ka qene gati perhere komercalist, thjesht nevojat e elites ne lemin e artit jane me te sofistikuara se te masave, arsyeja pse dje prodhohej art me cilesor se sot.

Po te leme menjane pordhet e artisteve dhe veteperkedheljen e tyre, shohim se arti historikisht ka qene thjesht nje menyre per te perkedhelur ndjesite e madheshtores e te sofistikuares e aristokrateve ashtu si palacot kishin detyre ti argetonin.

Mbase keshtu mund te kuptohet inati i zellshem i artisteve historikisht ndaj punedhenesve te tyre dhe pse ndersa aristokratet mbulonin gjithe fushat e dijet, me art rralle denjonin te merreshin.

Por arsyeja jote meqe ti ma jep se ke reflektuar mund te jete me e drejte, pres ta vleresoj :D

Julius said...

Ok, shiko tani së pari çka do them nuk kanë shumë lidhje me çfarë kam shkruar më lart. Se do duhej shumë mendere e fortë të quhej tamam art.

Marr vetëm shkas prej temës, por edhe prej kokës tate sigurisht (që e ke me cepa, pa diskutim).

Në rradhë të parë, arti është forma më e lartë e të shprehurit.Besoj se jemi dakort për këtë.
Në rradhë të dytë, koncepti mbi artin dhe artistin ndryshojnë në kohë. Psh arti i epokës moderne duke filluar nga Evropa industriale nuk përfaqëson më elitën, por artisti përfaqëson veten e vet. Pra shprehet.

Duke kaluar prapë të pika 1, arti shpreh më mirë se çfarëdo gjëje tjetër të vërtetën. Madje arti mund edhe të parashikojë të ardhmen, mund të kritikojë etj. Arti shërben në një farë mënyre si Zoti jot. Dikush nuk beson në zot, por beson në art psh.
***
Pastaj, ajo teoria jote nuk i vlen shumë popullit shqiptar që ka art tradicional popullor shumë të fortë. Përveç gjuhës të njëjtë shqiptarët i bashkojnë këngët popullore, kostumet, traditat festive, përrallat, gojëdhënat, legjendat etj.

***

E ke vrarë ndonjëherë mendjen, pse evgjitët përgjithësisht dallohen në muzikë? Është shumë i theksuar dallimi midis atyre dhe të tjerëve.

Anonymous said...

Koken me cepa e kam, po nuk bere ndonje zbulim se te gjithe shqiptaret me cepa e kane, pune gjenetike, na bashkon kokecepesia.

Forma me e larte e te shprehurit eshte simboli, i cili vjen edhe nepermjet artit.

Nese arti i epokes postindustriale perfaqeson artistin atehere artisti pa stimulin e nevojave aristokratike, prodhoka vetem mediokritet.

Persa i perket kultures shpirterore shqiptare ajo eshte pergjithesisht me motive fetare ose luftarake, cka e ben per kohet e sotme te papershtatshme meqe mbart me teper moralitet e spiritualitet sesa i nevojitet njeriut racional te koheve te sotme, nga edhe nevoja e racionaleve robotike per cmitizim.
Gjithsesi kultura popullore nuk ka artiste, ne po flasim per arstistet.Onufri mund te permendet ne kete kontekst.

Evgjitet jane si ata te Shqiperise se mesme, pace, raki e aheng.
Orientalet ario-iranike per arsye qe me shpetojne jane shume te lidhur me muziken. Mbase aty gjejne motivin e jetes, mund te jete pune genesh a pune dielli.

Anonymous said...

Daku meqe ke kapur edhe komunistet edhe fene e meqe te thashe se kultura jone shpirterore(por edhe ajo materiale) jane produkt i shpirtit fetaro-luftarak te shqiptarit po sjell nje shkrim te vjeter qe e kam hedhur ne fsh.net prej kohesh. Shpresoj se do arrish te deshifrosh pa probleme mendimin tim , mbi fene, komunizmin e aktualitetin.(Ti e di qe kur flas fort, jam i sinqerte :D )

Shqiptaret jane race origjinale,gjithcka tek ne eshte me prejardhje qe humbet ne lashtesine me te erret...
Shqiptaret kane nje vecori qe shume pak vleresohet ne kete bote njerezish te semure,jane ende te shendetshem... Perbuzja eshte ne natyren e normalitetit natyror,nje mjet per te larguar te dobetit nga bashkesia ,megjithese tashme gjerat po ndryshojne kahun me shpejtesi marramendese....

Te dobetit po perbejne shumicen dhe po luftojne ashpersisht 'te fortet' fale mjeteve demokratike qe po na imponohen prej te semureve te huaj qe jane si mizat e lisit.... Nje element i nje bashkesie eshte i forte,kur eshte trashegimtar i vlerave fizike ,morale e shpirterore te bashkesise...Kjo lidhet me thelbin e njeriut... Njeriu ka si mision, persosmerine fizike,morale e shpirterore...Ky ka qene edhe misioni i races shqiptare qe prej lindjes se saj,vulosur ne kanun ....Ne kete mision rol vendimtar luante hyji,si trasformues i vazhdueshem i urtesise ne moral,mbrojtes i ligjeve qe rregullojne bashkesine...

Hyrja e monoteizmit lindor ngadalesoi pamase procesin e permiresimit te shqiptareve qe gjithsesi kishte arritur nivel te jashtezakonshem ne krahasim me boten qe na rrethon,urtesia shqiptare gati reshti se kthyeri ne moral,e tashme morali e shpirti shqiptar po luftonte ashper me moralin e shpirtin e semure kristian,lufte per mbijetese... Morali yne nuk mund te pajtohej me nje moral qe hyjniron te semuret e te vobektet; morali e shpirti yne tokesor,nuk mund te pajtohej me moralin vdekesor e te botes tjeter qe u rezervon krishterimi besimtareve te vet...

Shqiptari jeton ne toke,perpiqet per tu permiresuar e per tu perkedhelur prej nenes natyre,prej Zanave dhe Oreve,prej Baba Tomorrit e jo per te gezuar nje jete te perjetshme ne boten tjeter e ne kete jete ti ktheje faqen e djathte atij qe te gjuan ne te majten...Shqiptari per nje nder rron,nuk mund te lejoje t'ja marresh ,sikunder pretendon krishterimi per besimtaret e vet....

Ne kemi nje kulture origjinale,kemi nje kulture e jo thjesht nje subkulture ashtu sikunder popujt e tjere europiane...Kjo eshte nje pasuri e jashtezakonshme per nje komb prej 8 milion njerezish...Mirepo ky origjinalitet nuk i shkon pershtat te dobteve qe jane duke marre pushtetin ,sepse kjo kulture i degdis jashte bashkesise e atehere fale mjeteve 'demokratike' jane duke e trasformuar kete kulture ne nje subkulture banale,te kultures europiane,te moralit antinatyror europian,sepse vetem ne nje kulture me moral te semure,te dobetit tane ndjehen mire...Permiresimi,fizik,moral e shpirteror nuk eshte qellimi i te dobteve,qellimi i tyre eshte mbijetesa e thjeshte e per kete u duhet nje sistem ekonomik ku dobesia e tyre ti lejoje te mbijetojne...Nuk u intereson aspak nese zhduket kombi shqiptar,zhdukja e vlerave te pastra shqiptare eshte objektivi paresor i mbeturinave shqiptare....

U takon te forteve te mblidhen e tu tregojne vendin te vobekteve e te semureve,vetem te perkedhelurit e natyres kane vend ne natyre.....Kjo eshte lufta e perjetshme e kombit shqiptar,pastrimi i vetvetes.....

Julius said...

Jo ore spo flasim për artistin, po flasim për artin.
Ti tashi, që të mbështetësh artin prej elitave do duhet të hedhësh poshtë artin popullor shqiptar, të them unë. Ty stë mora tamam vesh, me thënë të drejtën. Edhe kanuni vetë, është formë shprehjeje popullore.

Në një temë andej nga peshku kisha nxjerrë këto konkluzione: Kanuni është shprehje e një populli që nuk e ka lëvruar shumë gjuhën e shkruar, madje mënyra si është organizuar kanuni, tregon mungesën e një qendre elitare apo pushteti të lartë si princi, apo mbreti psh. Kanuni është formë vetëqeverisjeje. Dhe nuk mund të ndodhte ndryshe në një popull që nuk njihte dokumentet, të lartësonte kaq shumë FJALËN. Fjala e dhënë, besa, këto janë produkte të popullit.
Edhe arti popullor njësoj. Si na qenka i lidhur me fenë? Në asnjë mënyrë! Veç nëse konsideron motive fetare vetëm të përmendet kisha a xhamia. Asnjë lidhje!
Shiko një të dhënë interesante tjetër prej folklorit: Në folklorin shqiptar, ASNJËHERË thoshte libri i shkollave të mesme viti I, nuk është dënuar dashuria.
Kjo tregon shkëputje nga feja dhe madje shpjegon pse shqiptarët kanë pjellori të madhe krahasuar me vendet e tjera të rajonit ku feja u ka goditur fertilitetin.
Duhet studiuar ca më mirë ky folklori ynë që thu ti, duhet të ketë shumë gjëra brenda atje.

Kthehemi te arti tashi. Sta marr vesh atë punën e simbolit, por si shprehje më të lartë e kisha fjalën në përshkrimin e dashurisë, ndjenjave, forcës, dashurisë për atdheun etj. Nuk ka gjë më të fortë sesa arti për t'i shprehur këto të vërteta. Nga ana tjetër arti qëndron i shkëputur nga e djathta pothuajse në çdo formë. Psh nuk do gjesh dot humorist të djathtë. Grup këngëtarësh me bindje të djathta etj etj. Kishte një emision të bukur këtej para ca kohësh për disa grupe muzikore që shpreheshin kundër sistemit. Mbase e përshtat se kam dashur me kohë të shkruaj për të majtën artistike.

Më tej tashi, arti shërben si përqasje ndaj ideales. Dmth të njohurat dhe të vërtetat gjenden të shprehura aty brenda. Kjo i jep shumë pikë të majtës. I jep si të thuash kurorën e së vërtetës.

Për jevgjit, është njësoj si me ne puna e tyre. Duke qënë se nuk kanë gjuhë të shkruar, përdorin muzikën për tu shprehur, duke e lartësuar në formë, prandaj dallohen aty.

Anonymous said...

Julius ti po flisje per artistet sepse ashtu the, nuk ka artist te djathte.
Une po te them qe arti individual varet nga nevojat e elites per te mos qene medioker, sa me shume ky art u afrohet masave aq me medioker behet, pse ?
Sepse masa nuk ka homogjenitet,shtresa e trete,dmth ajo pas arisokracise dhe klerit, perbehet nga njerez me pikepamje aq te ndryshme saqe te behesh artistikisht shprehes i deshirave te mases duhet te besh aq shume kompromise saqe detyrohesh te prodhosh mediokritet.
Humori eshte gje tjeter, humori eshte arti i masave 'par exelence'.

Ti me fut popullin, por populli eshte menyre per te thene artist anonim. I njejti mekanizem funksionon edhe aty, por me i zbutur.

Kanuni ka nje pike referimi, Markagjonet, te cilet ishin komandantet e ushtrise se perbashket,gjykatesit suprem qe ruanin kanunin e te cileve u paguheshin taksa ne rast se kanuni shkelej apo per hakmarrje, pra Kryegjykates e kryekomandante te federatet fisnore ku shoqeria nuk administrohej me ane te sheriatit por me ane te kanunit.

Por kanuni jep nje forme federaliste te sistemit te qeverisjes.Forme federaliste qe per mua duhet te jete synimi perfundimtar pasi te krijohet Shqiperia e Bashkuar.

Folklori eshte i lidhur pashmangshmerisht me fene.
Merr legjenden e Rozafatit, merr kucedrat, merr trimin, kreshniket e cte duash ti,ato jane me motive te qarta fetare. Po deshe ti shpjegoj me nje post tjeter, po vrije mendjen ne fillim vete.

Simboli eshte forma me e larte e shprehjes, arti eshte nje teresi simbolesh te nderthurur, dmth arti eshte menyra qe simbolet te flasin.

Kur simboli te humbase krejt vleren ne shoqerine e sotme arti(kryesisht viziv) do jete dicka bosh.

Ti thua qe meqe artisti eshte i majte atehere arti eshte i majte dhe paska kuroren e se vertetes.

Problemi eshte se arti vazhdimisht ka shprehur deshirat e elites, keshtu qe arti i djeshem del si i djathte.
Midis kesaj femre:

http://it.wikipedia.org/wiki/File:Dona_i_Ocell.JPG

dhe ketij mashkulli:

http://upload.wikimedia.org/wikipedia/commons/6/63/Michelangelos_David.jpg

Perjetesisht une jam me kete mashkullin, ate femren e hedh ne ere pa mu dridhur qerpiku hic fare.

Ose shiko pak kete qe une shoh perdite rruges per ne pune, nje mrekulli e vertete:

http://upload.wikimedia.org/wikipedia/commons/d/d4/Vittoriano_di_notte.jpg

e krahasoje me simbolin alla modern:
http://upload.wikimedia.org/wikipedia/commons/b/ba/Empire_state_building.jpg

Une jam perjetesisht me ndertesen e pare, krejtesisht e panjohur ne bote ne krahasim me empire state, ama te magjeps me lal.

Kupton ti daku qe arti i vjeter mbante spiritualitet, ky i riu mban era.... boje ?

Julius said...

Aha, ok. Do na duhet të punojmë me citime të njeri tjetrit që të kuptohemi.
Arti, shpreh vlerat e së bukurës, nderit, madhështisë, bukurisë estetike, trupore etj.
Mirëpo këto të dhëna, i nuk janë përkatësi të së djathtës. Mjeti i vetëm që ka e djathta, janë paratë. Mirëpo paratë nuk futen në asnjë prej vlerave më lart.

Të të jap një shembull interesant. Ekziston një fërkim mes inxhinierave të ndërtimit dhe arkitektëve. Inxhinierat, akuzojnë të dytët se janë shumë femërorë (siç u shprehe për poezinë më lart). Dhe vërtet, arkitektët kanë një gen më shumë përsa i përket ndjeshmërisë artistike. Të gjithë studentët e arkitekturës këtu tek unë do i shikosh të jenë tipa hippie-sh, apo anti-status, antipushtetarë. Kanë madje një dozë të mirë anarkistash aty brenda.
Këta janë IDEJA e një projekti.
Inxhinierët janë ZBATIMI, të zhytur në dendësinë dhe zymtësinë e shifrave. Ideja, është gjithnjë femër, e majtë. Ndërsa zbatimi dhe mjetet teknike janë "të djathta".

Shiko se në krahasimet që sjell, po krahason NË KOHË, të njëjtin art. Dhe nuk po flasim për artin utilitar, por ideor. Artin ideor e gjen në letërsi, më shumë se në çdo vend tjetër.
Ndërsa për humorin, unë e kam cituar shumë herë në shumë vende "Emrin e trëndafilit" të Eccos. Pak a shumë ai film (se filmin kam parë), përmbledh mendimin tim mbi humorin. Sarkazma nga ana tjetër, është një nga format më të larta të të shprehurit. Këtë nuk do e gjesh të shprehë ide të djathta.

Pikërisht për Kanunin, të njëjtën ide ndaj me ty. Do duhet zbatuar një formë e përshtatshme e demokracisë direkte, duke u nisur prej kanunit. Por kanuni ngelet shprehje e urtësisë popullore.
Edhe arti folklorik gjithashtu. Ka spiritualitet aty brenda, unë nuk jam kundër spiritualitetit, e kundërta fare madje. Po sesi do kanalizohet ky spiritualitet në të ardhmen ngelet ta shohim...
Folklori mund të ketë nuanca fetare, por kurrsesi jo të feve abrahamike. Unë këtë kisha parasysh. Është tjetër botë ajo, unë jam natyralist ti plako. Kot nuk më thua ndonjëherë "si Naimi" :P

Kët punën e simbolit ma sqaro ca se nuk jam i sigurt nëse të kam kuptuar.

Anonymous said...

Ti lale ke nje ide shume origjinale te se majtes. Sikur e majta te ishte si e perfytyron ti, une do isha padyshim i majte. Mirepo ja qe ti i vesh te majtes, cka eshte e djathte denbabaden.
E kam thene ne vende te tjera, qe e majta rron vetem si grabitese e ideologjise se djathte dhe e djathta detyrohet te shkoje drejt ekstremizmit, cka po ndodh rregullisht ne disa vende europiane, si psh Austria.

E majta, ka lindur me Marksin, ketij i detyrojme konceptin e se majtes dhe te fese si opium per popullin.
Revolucion proletar e ateizem, keto jane bazat e se majtes.
Jakobinet i prodhuan, Marksi i ngriti ne Ideologji. Fap kemi te majten.

Sic e sheh, e majta bazohet ne rishperndarjen e pasurise me ane te revolucionit proletar dhe varferimin spiritual me ane te zhdukjes se fese.

E djathta, perkundrazi, nxit pasurimin e individt nepermjet punes, inisiatives , mbron pronen private, mbron njeriun qe leviz kembe e duar, i mbron trashegimine, bazohet tek familja e tek kombi, keshtu qe mbron gjithe vlerat e mundshme qe kane te bejne me familjen e me kombin, mbron fene qe ka ruajtur vlerat morale e spirituale te shoqerise, mbi te cilat eshte ndertuar kjo shoqeri.

E majta eshte ndertuar mbi individin, mbi fatkeqesine e familjes e cila perkufizohet ne ideologjine e majte, jo si grupim spiritual, por si njesi ekonomike keshtu qe ka vlere persa kohe qe individi nuk perben njesi ekonomike me vete.
Vlerat qe mbron feja, mohoen prej se majtes apo nenvleresohen, e majta eshte internacionaliste, vulgare, imorale, mbron parimet bordelleske mbi te cilat duhet themeluar shteti e shoqeria, urren homogjenitetin qe prodhon tradita e nje shoqerie etj.

E bukura, madheshtia, nderi jane ndjesi qe prodhohen tek pjesa aristokratike e njerezimit, pershkojne ekzistencen e kalorsise mesjetare e aristokracise se cdo vendi. Keto ndjesi nuk prodhohen dot tek vulgu, sepse vulgu ka per qellim mbijetesen e cila i ha te gjitha energjite fizike e mendore.

Arti eshte nevoje e asaj pjese te shoqerise qe ka kohe per t'ju perkushtuar ndjesive qe ne cdo gjuhe jo me kot quhen fisnike e nuk quhen vulgare(vulgus latinisht), nobile quhen ne italisht.
Fisnikerim e jo vulgarizim.

Vete dashuria para se te binte ne gojen e te gjitheve i takonte kalorsise mesjetare, jo me kot e ka titullin Don ai Zhuani i famshem.

Spiritualizimi i njeriut eshte nje proces qe ka nevoje per kohe te lire e edukim te shendetshem.
Arti eshte i varur nga ky spiritualizim i njeriut. Sot nuk lexohen me romane si ata te qemotit po pacavure seksi e spiunazhi, pikerisht sepse njeriu po despiritualizohet me shpejtesi keshtu ka nevoje vec per adrenaline. Kush di me c'eshte qetesia shpirterore , gjysma e njerezve marrin qetesues mendore.

Ideja nuk eshte as e majte e as e djathte, ideja eshte thjesht hyjnore. Ti e di qe une jam platonist ne piken e ideve, per mua ideja ekziston pavaresisht njeriut qe e zbulon. Po nuk e zbuloi ai, do e beje nje tjeter. Ideja nuk eshte e lidhur kerthizisht me individin , dmth se zbuloi filani do e beje fisteku.

Abuzimi me idene vjen pikerisht prej se majtes, nga vijne te gjitha abuzimet mbi gjerat qe kane rendesi per jeten e njeriut qe nga familja e prona private e deri tek feja,kombi e shteti.


Per simbolin, ne cfare kuptimi ?

Julius said...

Imoraliteti më i madh, është ai i pushtetit. Thotë Pasolini te 120 ditët e sodomit.

Ti ke gabim që je kaq shumë dogmatik dhe nuk lë hapësirë për pikëpyetjet ndaj sistemit, duke qënë madje arbitrar si mbrojtës i elitave. (madje pa qënë vetë elitë!!!).

Si ka mundësi i thotë Dona Virinusit, ti plebe të jesh kundër demokratizimit që do të të japë Cezari, po mbron pushtetin elitar?

Po ngatërron të djathtën me konservatorizmin mer lal. Po të ecte shumica në këtë mënyrë do kishim ngel në mesjetë akoma ku nuk kundërshtohej dot pushteti i mbretit dhe i priftit.

Bukuria, krenaria dhe madhështia nuk janë të dhëna ekskluzive të së djathtës aq më shumë për popullin tonë që është prej natyrës krenar.

Tjetër feja, tjetër spiritualizmi. Po ngatërron më duket monopolin që ka uzurpuar e para ndaj çdo vlere të së dytës. Humbja e besimit në fe, sjell detyrimisht humbje të spiritualizmit. Po faji në rradhë të parë është i fesë vetë, sepse nuk është më sistem i përshtatshëm as i dobishëm në shoqërinë e sotme. Ti problemin e shikon tjetërkund, prej tjetër këndvështrimi. Thjesht ktheje monedhën siç e shikoj unë dhe do gjesh pastaj vlerat e vërteta të së majtës.
Marrim krishtërimin. Ka qënë vlerë lëvizëse në kohë. Në fillimet e veta u takonte plebejve. Më pas u pushtua prej të djathtës. Dhe tani përfaqëson "vlerat tradicionale" yeah, yeah, yeah! Fine!
Elitat "besojnë" që të mashtrojnë vulgun, ndryshe nuk shpjegohet që mbi 80% të akademikëve janë ateista. Tani krishtërimi është kthyer prapë në origjinë - te vulgu. Shikon si lëviz vlera?

Anonymous said...

Lale, kur njeriu flet ne parim, ka arsye pse flet ne parim. Jo domosdoshmerisht njeriu flet per perfitimet personale.
Kur une bej elitistin e bej sepse mendoj se per kete eshte nevoja e kombit e jo sepse kam perfitim personal. Po te isha elite e do flisja per eliten do ishte thjesht per perfitim personal.
Ti kete nuk e pertyke dot, se sipas teje njeriu duhet te shohe vetem perfitimin personal imediat.

Elitizmi eshte rryme politike e filozofike e cila me gjen dakort.

E djathta nuk eshte rryma e te pasurve por rryma e vlerave natyrore. Hierarkia e disiplina jane vlera natyrore. Mua nuk me pelqen te kem njeri mbi koke e as te jem i disiplinuar, por ja qe eshte detyra ime ti njoh e respektoj keto vlera, sepse keshtu e do e mira sipas historise.

E djathta ne angli quhet partia konservatore. Konservatorizmi me te djathten jane sinonime ne politike.
Ato mbi mesjeten i perdor Nexhmije Hoxha per te mburrur arritjet e komunizmit, jane thjesht propagande,mos bjer pre.

Krishterimi ishte rryme esene per marrjen e pushtetin ne Izrael.
Moralisht buron prej judaizmit i cili prej fese egjiptiane(41 portat per te shkuar tek peshorja e Maat).

Ne fillimet e veta cdo fe, u ofrohet plebejve, por feja eshte nje menyre qe shikojne te pushtetshmit per te moralizuar plebejte, te cilet perndryshe do ishin teper imorale. Mjaft te shikosh verdalle sot, per te kuptuar sa te drejte kishin patricet e antikitetit qe i mbanin plebejte te mberthyer nga feja.

Sot qe ska fe, plebejte jane imoralizuar te gjithe. Sodoma e Gomorra duhet te te tregoje qarte se si konceptohej mungesa e moralit fetar asokohe e pse patricet u ofronin popujve principe moralo-fetare te cilat rregullonin jeten e siguronin te ardhmen e njerezimit.

Filozofia kristiane eshte filozofi eseno-platoniste, plebejte duhet ta pranonin ne formen per ta e perthithshme.

Ti daku akoma se ke kuptuar, qe motorri i zhvillimit te njerezimit eshte elita. Vendi qe nuk ka elite te hajrit eshte vend vari leshte.
Vulgu njesoj eshte ngado, diferencen mes popujve e ben aftesia e elites te coje vulgun atje ku duhet.
Ne Shqiperi ta kam thene me kohe, pa nje elite te hajrit ne do vuajme si qeni.
Po kur ti kuptosh ti keto gjera, mua do me kete vajtur mjekra ne kerthize. Boll lexove pacavure majtistesh , per koke tende.

Julius said...

Plako një tentativë mbase e fundit për të më kuptuar.
Unë nuk jam kundër elitave. Sepse vetë natyra në tërësi është e ndërtuar mbi bazën e një hierarkie. E cila nuk mohohet. Por ajo që duhet bërë, është të gjendet ekuilibri.
Tashi ne mesa marr vesh unë, te ekuilibri nuk biem dakort.

Dhe shikojmë një çështje të njëjtë si e trajton ti, si e trajtoj unë.
Marrim fenë...
Unë them se feja sot ka uzurpuar shumë vlera morale dhe sociale si sistem tejet arkaik dhe i pavlerë.
Ti thua se feja i jep vulgut moralitet.
Unë përsëri të them se këtë gjë nuk mund ta thuash për çdo fe, apo formë fetare (të paktën). Leje më tej që të GJITHA format fetare sot për sot janë arkaike.

E dallon ndryshimin dot apo hiç akoma?
Marrim përsëri elitat. Ti thua se do duhet të ekzistojnë. Unë jam dakort por them se u duhet vënë kufizime. Madje një shkëputje e madhe e elitave prej masave nuk sjell asgjë të mirë.
Trajtimi i popullit si dele ka kohë që ka mbaruar. Në rast se do zhvillim, do jetë zhvillim tërësor duke nisur nga baza e piramidës deri në majë.

Marrim një institucion social. Si psh shkollën. Shkolla është e detyruar për të gjithë deri 9 vjet. Kjo e ka një arsye madhore që është kështu. Pikërisht qëndron te pohimi i thjeshtë se nëse nxënësit në masë nuk do kishin shkollim të detyruar, atëherë do ngeleshin rrugëve dhe detyrimisht do merreshin me pislliqe e do bëheshin rrugaçë.
Pikërisht kostoja më e madhe që do kishte shteti nëse nuk do krijonte kushtet për shkollim, e bën këtë të shikojë sistemin në këtë mënyrë. Ndryshe do duhej të hapeshin burgje që kanë kosto më të lartë mbajtjeje dhe prishin më keq indin social. Shiko psh rastin e Amerikës.
Llogjikë sistemike, bëni në shkollë? Si të maksimizohet përfitimi moral dhe ekonomik i një sistemi të dhënë?

eni said...

shume bukur:)

t_red said...

Po edhe ti s'qene shume i urte jo. Nje shkendije te kane dhene, flake ke marre :)

Erdhen Chrismas-et. Po ti?

Anonymous said...

Kur të marrësh titullin e blogerit të vitit, të duhet të na qerasësh! :P

Julius said...

Gezuar te gjitheve njehere festat. Ju uroj tia kaloni sa me bukur keto dite.

Une kam shkuar ne gjirin e familjes keshtu qe jam vetem kalimthi ketej pari.

Anonymous said...

Daku Gezuar Ditelindjen e Diellit ose Jezu Krishtit, si ta dush ti!

Isha nga Vatikani sot, me erdhi per te qeshur me morine e simboleve pagane qe mbart Vatikani.
Me e forta fare ishte se simboli mbi 'presepe'(skena e lindjes se Jezusit) mu ne qender te sheshit ishte Dielli nderkaq e vetmja peme e sheshit eshte ne krah te 'presepes' e ishte zbukuruar po ne maje te pemes nuk ishte kryqi po Dielli.
Dielli eshte ne stemen e Vatikanit, nderkaq dhembezat e 2 celsave ne steme ishin formuar nga 1 kryq mes 2 swastikave.
Shume interesante ta shohesh Vatikanin me syte e nje pagani, beje prove po te ra rruga ndonjehere.

Tani persa ke shkruar, me behet qejfi qe ne parim e njeh hierarkine natyrore, e cila socialisht perkthehet ne disa shtresa.
Problemi yt, eshte se ti nuk ndeshkon teprimim sikunder thua,sepse po te ishte ashtu nuk do kerkoje uniformimin qe eshte endrra e cdo te majti.
Ne hierarkine natyrore uniformimi i njerezve eshte teprim i shumices e cila duke mos arritur dot pakicen e ul poshte kete, pra qe te bjere ne nivelin e shumices. Praktikisht cfare pame per 45 vjet komunizem.

Po te kerkoje vertet hierarkine natyrore ate do e shquaje fare mire ne kanun, po nje i majte nuk arrin dot ta shquaje sepse eshte i verbuar nga ndjenja e teprimit qe pastaj sjell ekstremizmin ose ndryshe komunizmin.

Nga ana tjeter teprimi i elites eshte e vetmja menyre qe elita te rigjenerohet dhe evolohet. Nese elita nuk kalon ne teprim, sikunder elita kanunore, atehere shoqeria eshte e denuar te qendroje ne ate stad,pasi supozon gabimisht se eshte perfekt. Ky eshte difekti kryesor i kanunit, ka nje elite teper te qendrueshme ne kohe dhe teper afer popullit. Kjo e ben nje shoqeri natyrore perfekte, vecse nga ky perfeksion i supozuar prej shoqerise vjen edhe qendrimi ne vend.
Ajo eshte nje shoqeri perfekte per situate te zgjatur lufte, por jo paqeje e meqe lufta nuk zgjat ne perjetesi atehere edhe modifikimet jane te detyrueshme, por keto modifikime nuk vijne dot si pasoje e supozimit te perfeksionit qe kane njerezit kanunore.

Pra hierarkia natyrore qe supozon eliten afer popullit eshte kaq e sakte saqe ndalon evoluimin.

Por sot nese ndalon evoluimin nuk avancon dot e atehere teprimi i elites eshte e vetmja menyre njerezore per te ecur para, per tu perpjekur te permiresohet, pasi keshtu elita do zevendesohet dhe e shkuara do i sherbeje si leksion, dmth trupi mbart nje virus te mundur me shume, paralelisht ne menyre figurative, trupi i europianit ishte me perfekt se ai i indianit te amerikes latine, pasi kishte mundur viruse te cilat i coi ne ameriken latine dhe shfarosi miliona njerez, nderkaq asnje semundje e amerikes latine nuk shfarosi dot miliona europiane.

Pra njerezimi ka nevoje per teprimin e elites, pasi ky teprim eshte semundje e re e cila heret a vone mposhtet dhe e ben njeriun e se ardhmes me te afte.
Pse korrupsioni psh ben masaker ne Shqiperi? Sepse ndaj ketij virusi ne skemi mjete mbrojtese se po ti kishim do e kishim mposhtur.

Keshtu ti lale, behet e e mundur qe civilizimi te hece perpara e jo te rrije ne vend apo te hece prapa (psh komunizmi eshte ecje prapa sepse eshte sistemi i pare i njeriut, se pronesia ne fiset primitive ka qene perhere e perbashket).

Kupton ti lale se kemi nevoje qe pakica te degjeneroje ne vese e luks, qe shumica ta munde e te perthithe permiresimin e pakices ?
Nese eshte shumica qe degjeneron ne vese e luks atehere ajo shoqeri vdes sepse pakica nuk e mund dot shumicen.
Nje shtrese e mesme qe perben shumicen e nje grupi social dhe qe degjeneron ne dobiceri,pederasti, kurveri e vese te ndryshme apo i ka te gjitha komoditetet ekonomike, perben fatkeqesi per te ardhmen e grupit social. Keto gjera i lejohen elites kur kjo deshiron instiktivisht te zevendesohet.

Mbase jane fjale te renda, po une keshtu e shoh kete pune dhe jam kurioz te di si do kundershtohem.

Feja ne kete mes luan rolin e ruajteses se shumices nga degjenerimi, prandaj eshte element i domosdoshem i kujtdo shoqerie, ashtu sikunder ka qene dhe eshte ne cdo shoqeri te prapambetur, aq te prapambetura saqe po pushtojne demografikisht Europen dhe Ameriken,se po te ishin me pak te prapambetura do kishin ushtri me te forta e do kishin bere pushtim ushtarak te ketyre zonave te globit.

Julius said...

plako Gezuar paganisht me se pari, replike prej tamami te bej kur te kthehem prej festave. Po te jesh ketej, na dergo ndonje mail te takohemi.

Anonymous said...

Shëndet e begati, mbarësi dhe fat për 2009-ën!

Anonymous said...

Koment jashtë teme:

Kam një propozim për të gjithë ju që vizitoni blogun tim.Qoftë për ata që janë blogger qoftë për ata që janë thjesht vizitorë të “Rrugës së Fabrikave”. Çdo ditë dhe për dy muaj rresht, marr përsipër të vendos një shkrimin tuaj në blog, i përkthyer nga unë. Domethënë, nëse është shqip ta përkthej në greqisht dhe anasjelltas.
Lexo më tepër këtu:
http://odromos.wordpress.com/2009/01/03/2009/01/03/???-??-???-eja-edhe-ti/
Faleminderit për mirëkuptimin!
v.o.Nëse duke ndjekur linkun, nuk hapet faqja, thjesht klikoni mbi titullin e blogut dhe menjëherë do hapet.

Julius said...

Shëndet, fat suksese edhe çdo të mirë sjelltë ky vit edhe për ty Ago dhe familjen tuaj.
Të më falni për vonesat në përgjigje.
Nismë shumë e mirë nga ana jote. Do e shikoj në ditët në vazhim. Nga mua merr çfarë të duash nëse dëshiron. Madje të falënderoj paraprakisht nëse do e bësh.

Gëzuar edhe një herë të gjithëve. :)

Julius said...

E kishim harruar këtë temë fare… Në Vatikan kam qënë unë, po isha i vogël për ta pare paganisht. Nuk është e rastësishme të ketë simbole pagane, hiç fare. Kohët e fundit, kam lexuar se një teolog kristian, kur pa simbolet e paganizmit jashtë qytetit të vet ku jetonte, deklaroi gjithë inat se lexo!: Satanai e kishte dit ça besimi do kishin kristianët prandaj ua kishte dhënë ato simbole paganëve për tu prishur punë.
Bjeri ti biem me një llaf.


Për më poshtë… Unë e njoh hierarkinë, është normale si të thashë, po nuk njoh shtratin mbi të cilën kjo hierarki shtrihet sot. Paraja psh është element prishës i moralit elitist, po edhe atij plebe. Ti thua psh që e majta i shpjegon me marksizëm historik të gjitha, po unë e shoh si nevojë këtë derisa të ketë shqiptarë që vuajnë për bukën e gojës. Nuk e nxjerr majtizmin jashtë kufijve ama, dmth nuk më intereson edhe aq internacionalizma. E shumta do jem mild fan.
Teprimin e ndëshkoj, po në të dy anët. Edhe në anën e masës edhe të elitës. Vetë rotacioni i pushtetit brenda elitave, është i tillë që nuk e lejon prishjen (relative kjo).

Kot për kuriozitet do duhet parë trashëgimia e pushtetit që nga lashtësia deri më sot. E dije psh që në perandorinë osmane, sulltanët e kalonin pushtetin në rang bijsh edhe kërkuesit e fronit i burgosnin, ose i vrisnin? Ka raste kur një kandidat për sulltan, është burgosur me vite derisa është çmendur se i ikte tepeleku, dhe pastaj e merrnin ashtu si ishte e bënin sulltan kur vdiste paraardhësi. Ky ishte stërteprim. Në këto kondita, besoj se e ke lexuar edhe Makiavelin kur shprehej se “pesë perandorët e mirë” ishin të tillë, se linja e trashëgimisë ishte ajo e adoptimit, derisa Mark Aureli e prishi me Komodusin. Edhe sot akoma ke rastin e Bushit junior.

Për teprimin bie dakort me ty, veç unë nuk e shikoj nga lart poshtë, por nga poshtë lart. (gjithë majtizmi im këtu përmblidhet) Në kuptimin që është detyrë e elitës të zhvillojë masën. Edhe elita VETËM kur e ka patur të nevojshme e ka bërë këtë. Sipas Marksit, gjatë revolucionit industrial, elita e ka patur të nevojshme të bëjë punëtorët dhe shtresat e varfra të ditur, në mënyrë të tillë, që këta të kuptojnë si përdoren mjetet e reja për të rritur më pas prodhimin edhe vetë fitimin e tyre. Po elitat sot, shikojnë se nuk e meritojnë të jenë aty në majë, ose kanë frikë prej zhvillimit – se mos ndonjë plebe u merr pushtetin. Dmth mjetet e sistemit vetë, janë të tilla që u lejojnë abuzimin. Me sistem e kam fjalën për kapitalizmin. Edhe në elitat e sotme në Shqipëri, vihet re lehtë lënia qëllimisht e masës paedukim. Kur ke të bësh me injorancë, atëherë nuk e mund dot me mjete llogjike, në të cilat kam dëshirë te shtrohet masa. Po do përdorësh metoda metafizike.

Po të shikosh politikanët, përdorin jashtë mase fallcitete llogjike dhe argumente fetare, të cilat dikush me edukim të mjaftueshëm do i kishte degjeneruar dhe skualifikuar shumë lehtë. Po dëgjonim njëherë Berishin në tv me tim atë. Seç këputi një gomarllëk. Ore ça leshin thotë ky e pyes? Leje më thotë se bën vetë si gomar, atij publiku i drejtohet u thotë çka duan të dëgjojnë.

Përveç kësaj, bota njeh dhe ka vendosur kufizimet ndaj elitave. Ja vetëm shiko termat e pushtetit. Zgjedhje çdo katër vjet. Grupime ideologjike dhe jo familjare (deri diku), zgjedhje të lira etj. Këto të dhëna tregojnë se kemi evoluar. Edhe në Kinë sekretari i parë i partisë mund të rrijë deri në 10 vjet. Kjo frenon degjenerimin e elitës, po lejon dhe progresin.
Vijmë tani te degjenerimi i elitave. Do duhet të vendosim se kur lejohet. Se nuk mund të bësh një gabim dy herë... Në rast se një pjesëtar i elitës bie në gabim dy herë (e zëmë, mënyrë tepër e trashë trajtimi), atëherë ai skualifikohet nga statusi. U jep dhe rrugë të lirë të dalluarve prej masës që të dalin në krye. Unë psh do isha tërësisht dakort më i mençuri prej njerëzve të kishte të drejtën të qeveriste. Mirëpo në realitet nuk ndodh kshu. Ndodh ai që ka paranë të qeverisë, le të jetë edhe mavri me bojë. Ky është stërteprim përsëri – mos u habit sikur pas 200 vjetësh ta klasifikojnë njësoj budallallëk me trashëgiminë e osmanëve. Gjithnjë nëse do kemi evoluar deri atëherë.

Më plqeu, më pëlqeu si e kishe trajtuar. Ja kundërshto tashi.

Anonymous said...

burberry bags bjrmtr qcff burberry outlet mpnwtf jtgn burberry outlet online ydmbpv gbvw www.specjerseys.com aaxvzp ubbj ugg outlet online cmhlct rsvl ugg boots sale odhsrp rzye http://www.8wxc.com sjwdby ihvv ugg usa hlfuok zdwy michael kors handbags outlet dqghga kwwt michael kors handbags opvwdx xmbl michael kors 2013 ulybud zzlr http://www.z8ye.com cxmhxy ixjj http://www.9dcu.com qwkpvz seha longchamp handbags outlet fjiwgy vruk http://www.e4ni.com ihfydc bcon

Anonymous said...

www.bulberryfashion2013.com rmwrau ixxa burberry outlet roxxqp almr www.livebulberryfashion.com taesam jdyj ugg uk tcalxc bdll ugg boots outlet shhspa ghwq ugg usa uwgrbv cskq ugg outlet vvcyts lvdf ugg on sale jhmlqq jevq michael kors handbags on sale phtesj wxbq http://www.02s8.com uteemr hlvf michael kors factory outlet daxbmr ksqk longchamp outlet online oexvap nwlk longchamp sale tetkgl cvmp http://www.dtr6.com tinerb ubbz http://www.e4ni.com yrakjb julo

Anonymous said...

burberry outlet wnrjny cxql burberry bags pmlciy tuav burberry bags puvgbm djkp www.specjerseys.com opcqdm mavo ugg boots sale zsnsxh sajo ugg usa lpcjjx mvjx ugg factory outlet iryouh kfhw ugg boots outlet vxutxw ealq http://www.jg20.com vzxhob eivh michael kors online outlet evgyjz bfie http://www.1qpf.com ptjuix zolu longchamp outlet dqqfkr dllh longchamp sale vblsgd razk longchamp handbags outlet grrjiz qffl burberry outlet online shttso wdvv

Anonymous said...

burberry outlet attown qgve burberry outlet nzwngu nsln burberry bags sirlia svfn ugg boots uk rnimkk wbqf www.numbjerseys.com jnejot agaz ugg boots sale ebcjvm xdbj ugg outlet krnwck cdhb ugg on sale ahvnux fbzd michael kors handbags outlet xoykft oqcj michael kors handbags twmakl hbfd michael kors outlet mbylpn urtf http://www.z8ye.com inuqoq hfzh longchamp outlet kysnpm hwfg longchamp bag mzfwxc xtpq burberry handbags pjtwsb mhfc

Anonymous said...

www.bulberryfashion2013.com pkkmcg ydxh burberry bags mcoleh heid www.livebulberryfashion.com qyuydh xevl ugg uk dbbkig hdeo ugg boots xjtbaa kdbm ugg usa dahlsz srlg ugg outlet jjytsn uank ugg boots outlet dandkt nkzk michael kors outlet store ycxaex ipfv michael kors online outlet lszczp nfjh michael kors diaper bag uwemiw zwgp http://www.z8ye.com esijme ubuv http://www.9dcu.com fwlden pzwd longchamp diaper bag zxvohd ofax burberry handbags gbrykr fxca

Anonymous said...

burberry bags twijee tydy www.fashionbulberryoutlet.com wifjpx zvbh burberry lmrfds qtxj www.specjerseys.com qbeyuc idxo ugg sale xjkyol xgqa ugg on sale oauktl tkoa ugg outlet vqhalx cilw ugg boots cheap hiiljt qdoj http://www.jg20.com kcgatj raac michael kors handbags eemedh txfb http://www.1qpf.com avfvrf oszq longchamp outlet online tqbluw yycx longchamp tote xypecc ujpk longchamp handbags outlet wqkhwx ledo burberry outlet online egvyof zuvp

Anonymous said...

burberry sale fhgsqe nzaw burberry ppsaeb twtl burberry sale outlet xtpkhd vohx ugg sale cgvdgq xwgm ugg boots wholesale mgkbti vivm ugg on sale nhjgbo sbso ugg boots outlet wsfcnl vdah ugg usa zatshj pyjv michael kors outlet czsttt xiyw http://www.02s8.com znlsyy onry http://www.1qpf.com sbyiem aamm longchamp on sale yqpwta nacq longchamp outlet yokanv yasd longchamp bag dtazdx bwki burberry outlet online vaccij pxpx

users online
 
Creative Commons License
Shkrimet e blogut Busulla jane te licensuara nen Creative Commons Autoresi-Jofitimprurese-Vepra te pandryshueshme 2.5 Italia License.