Saturday, March 21, 2009

Të rinjtë në politikë janë sexy…


Po. Ky mendim u formua nën nevojën e ngutshme për një kompliment, pas traskriptimit të debatit televiziv Opinion nga t_red, që më pas më shtyu të shikoja gjithë emisionin e Blendi Fevziut.

Unë e them fillimisht, mbaj anën e Gertit (the Bitch) Bogdanit, po duke qënë më pervers se ai dhe njëkohësisht më i sinqertë, pas debatit, pranoj se e vetmja gjë interesante e fytyrave që pashë do të kishte lidhje me seksin… Nuk e di pse, mbase sepse e prishën gjithë emisionin duke bërtitur, duke sharë, duke sugjeruar pozicione... etj. Ndodheshin si në një dhomë gjumi të paktën në kufijtë që i kam vendosur unë llogjikës.

Ajola psh mu duk sikur po kërkonte shallin poshtë krevatit, Erisa kishte hip mbi krevat e po hidhej pupthi, Juela asnjëherë e kënaqur..., Arbri duke mësuar përmendsh Kamasutrën teorike, Elkida nuk po dinte çfarë të bënte e ndodhej në pozitë të vështirë, ndërsa Gerti po i përgjonte të gjithë nga vrima e çelësit...

Politika e të rinjve është shumë eksituese..

Të gjithë ata që kanë thënë se këta të rinj nuk kanë vizion, janë të gabuar. Busulla arriti të depërtojë brenda mendjes së tyre dhe të shtrojë para jush ëndrrat dhe vizionet e secilit për një Shqipëri të lirë (dmth në NATO).

Ëndrrat e të rinjve:

Ajola e ka ëndrrën në sirtar, pikërisht shallin e juristes, të cilin do ta shikojë në sfilatën e fundit të Versaces për periudhën Pranverë- Verë 2009. Ëndërron të sfilojë vetë, e para në rradhë pas datës 28 Qershor, në mes të dy njerëzve, njërin që ka zgjedh për partner dhe tjetrin për lider.

Juela ëndërron të mos gërhijë më natën pas datës 28 Qershor. Ëndërron të jetë e para që do mbajë fjalimin e fitores dhe vendin e saj të punës. Në një të ardhme jo të largët, ka dëshirë të bëjë një operacion plastik në hundë, për t’i ngjarë sa më shumë Berishës.

Erisa ëndërron të plasin fishekzjarre sa herë ajo të hidhet pupthi, ëndërron t’i ngrejë peshë zemrën e rëndë liderit të vet që ai pastaj ta ngrejë në duar duke i thënë: Je pesha më e bukur e jetës time (pas Monikës). Mendon të shtojë ca kile, ndryshe Monika do e marrë inat dhe ka rrezik të ngjallet zili mes çiftit dhe partisë, që është një forcë e madhe dhe e rëndë në politikën shqiptare.


Arbri gjithë çka thotë ëndrra i ka... Çfarë ëndërron natën i mollois ditën. Ëndërron ama që shumica e shqiptarëve të ëndërrojnë si ai, në një të ardhme ëndërruese jo të largët, por as të afërt. Ëndrra e tij afatshkurtër është ajo e të ëndërruarit që të paktën 2% e shqiptarëve të ëndërrojnë si ai në 28 Qershor. Me këtë do ishte shumë i kënaqur.

Elkida ëndërron të bëhet miss Fushata dhe si çdo miss kërkon paqen në botë, lufton kundër varfërisë, në krah të liderit të saj sheik Mediut.

Ndërsa Gerti ëndërron të gjejë çelësat e të gjithë vrimave nga po përgjon të tjerët, të ketë material mjaftueshëm që t’i kapë gafil të gjithë kundërshtarët politikë të Sali Berishës.

(vijon me vizionet, po të jem në qejf...)

3 comments:

Anonymous said...

Daku te lashe sociolog te gjeta psikolog :D

Te pershendes me nje kenge qe do te pelqeje me siguri:
http://www.youtube.com/watch?v=t0XkfPXuYXw

Me lejo edhe te them qe kjo eshte kenge jo ato pellitjet e atij nudistit qe ke kryetar partie :D

Julius said...

Ja po ta kthej lal: http://www.youtube.com/watch?v=fuD-WgFyFWw

Gjej ndonjë kobure e kostum andej nga behari :D se për tia marrë ia them vetë.

EΛΛΗΝΕΣ-ΑΛΒΑΝΟΙ said...

ΕΛΛΗΝΕΣ-ΑΛΒΑΝΟΙ
http://fokas2000hotmailcom.blogspot.com/

users online
 
Creative Commons License
Shkrimet e blogut Busulla jane te licensuara nen Creative Commons Autoresi-Jofitimprurese-Vepra te pandryshueshme 2.5 Italia License.