Monday, June 2, 2008

Përfundon me sukses çmitizimi i tolerancës fetare.

Lubonja sapo ka përfunduar çmitizimin e tolerancës fetare dhe lidhjen komb-fe duke deklaruar fitoren e kësaj të fundit në tavolinë për shkak se ateistët nuk u paraqitën në fushën e çmitizimit.

Lubonjës i janë dashur tre artikuj në shtyp, një intervistë në gazetë dhe vetëm një koment në blogun e vet për të realizuar çmitizimin me sukses. Nuk dihet cili mit e ka rradhën në rreshtat e Lubonjës dhe fatin e keq për tu çmitizuar. Por ky i fundit, nuk është i pari. Lubonja ka bërë përpjekje për të çmitizuar prejardhjen e lashtë të shqiptarëve ca më parë, dhe burrin e Donikës më së fundi. Prej këtyre përpjekjeve janë konfuzuar sidomos tifozët e djathtë të cilët pas tentativës për ta shpallur Salën Skënderbe të dytë, janë rrekur ta shpallin direkt “Nderi i Kombit” dhe Hero kombëtar.

Boshllëkun që la Gjergj Kastrioti, shumë shqiptarë kanë shprehur vullnetin për ta përmbushur. Ndër ta i gatshëm për të hyrë përsëri në lojë është Fatos Nano. Pas deklarimit “prapa më vjen historia”, Tosi është kujtuar se në fakt historia e ka lënë prapa, në një kazino ku humbi bastin për tu bërë president. Është mësuar se Fatos Nano më së fundi po kërkon një Ferrari për ta parakaluar kështu historinë dhe të arrijë i pari në vijën e finishit. Gara fillon nga Gërdeci e mbaron te bulevardi “Dëshmorët e Kombit”. Lubonja prapë, është munduar ta çmitizojë dhe bulevardin në fjalë, si një përpjekje për tia ndaluar qafëthyerjen e mundshme Nanos por kjo përpjekje ka dështuar pasi Edi Rama ka vendosur restaurimin e tij bashkë me një kurorë me lule te monumenti “Nëna Shqipëri”. Nuk ka mundur të qëndrojë pa u përfshirë në çmitizime dhe mite as ish ministri i Mbrojtjes Fatmir Mediu. Prononcimi i tij në shtyp përmbledh se ka ndryshim nga çmilitarizimi ne çmitizim dhe starti i garës në Gërdec është përgjegjësi e shtabit të ushtrisë dhe jo e tij. Ai ka shtuar më tej se koha do ta tregojë të vërtetën mbi mitet dhe fituesin e garës. Duke i rënë me gisht orës se tij ka përfunduar duke thënë se “koha është flori”...

foto: www.vargmal.org

17 comments:

e paditur said...

Ej Julius,

po mos na bej te qeshim kaq shume, se nuk eshte normale. Po kjo poste ishte vertet e mire. Ke filluar ta mprehesh perhere e me holle kalemin. Te lumte!

Sa per sfiden e fotove, nuk e ha une ate kokerr ulliri. Eshte fare e padrejte dhe jashte rregullave te cdo gare. Si mund te ndeshet nje si une qe luan ne kampionaten e kategorise se trete mes lagjeve, me dike qe luan ne Ligen superiore. Gjej ndonje sfide tjeter po deshe.

... le qe, veshtire te hahem me ty ne cfaredolloj sfide :-)

Julius said...

Flm EP.
Aktualisht ka një fushë në të cilën ma merr me se sbën.
Po nxjerr sitë di orë rresht e nuk po vendos dot saktë "komentet e fundit". Nuk më dalin tamam...se di pse.
Më ndihmon dot?

N.Ago said...

Ndërsa unë kam mendimin që përmendoria "Nënë Shqipëri" të rrëzohet dhe në vend të saj të lartohet mbi Sauk një e këtillë, por me diametër dyfish sa ajo që Odise Paskali bëri për "Dëshmorët e Kombit". Përmendoria e re ti kushtohet Xhorxh W. Bushit si miku më i mirë i shqiptarëve dhe shpëtimtari i kombit tonë. Një e vogël, bri saj, të lartohet për Gazideden. Arsyen e di partia! Kësisoj, çmitizimi i Lubonjës nuk e prek mikun e madh. Arsyeja është se, të gjithë komentuesit e peshkut do bëjnë një peticion me titull "Larg duart nga Bushi"!

Anonymous said...

Hej Xhej! Lubonja nuk i hudh mitet n'plehna! K'shu si te kjo fotoja ilustrativodenigruese qe ke vene ti!
Mbase ajo fotoja, do te te kish hyre ne pune per ndonje shkrim me titull: "Pastrojme Kazane Plehrash!"

kisssss , Zhaklin:-)

Julius said...

Ok, komentet i rregullova.
Dmth duken.

Ago prapë me Bushin mer?
Këto tonat dmth të miat, janë mite brenda shtëpisë krijohen nga brenda. Bushin e kemi të jashtëm.

Zhaklinë, ato që hudhen në plena nuk janë mite. Te ajo foto është përfaqësuar një pjese nga bindja ime.

e paditur said...

Julius, në fakt për punën e komenteve mund të të ndihmoj me të vërtetë. Problemi është që këto ditë, "feed-i i komenteve" dhe tek unë nuk ka funksionur përgjithësisht. Pra është më shumë off se on. Kështu që dhe mund të mos jetë faji yt. Megjithëse ti dhe me përpara nuk e ke pasur shumë në rregull, nuk të "freskohej" menjëherë. Shiko, dhe unë kam ndërmend të ndryshoj timin. Do e mbaj shënim si bëhet dhe do të të them. Dëgjohemi!

Selfmaderadio said...

Une ja kam lexuar artikujt e fundit Lubonjes dhe nuk kam pare gjekundi ne to ndonje lajthitje, as cmitizim te fese, apo ku e di une se cfare po e tallin Lubonjen ketu. Gjithashtu, nuk me pelqen ky lloj perseleksionimi: Lubonja eshte nje kritik, jo gjithe kritika. NUk eshte as i pari dhe as i vetmi. Ndoshta me i fuqishmi. Dhe me shume se Lubonja vete qe po e lakojne me vend e pavend, ketu duhet diskutuar jo cmitizimi, por duke cituar vete fjalet e Lubonjes: distancimi nga mitet.
Artikujt e tij te fundit mua me jane dukur shume te mire, shume te ekuilibruar, dhe sinqerisht nuk e kuptoj kete lloj qesendisje pubertare prej njerezish qe kur nuk degjojne mendimin e tyre te shprehur nga goja e cdo njeriu mprehin shpaten e qesendise ose vrajen publike. Une Lubonjen e respektoj pa mase, edhe atehere kur nuk ndaj te njejtin mendim me te. Ngelet pa dyshim, figura intelektuale me e spikatur e skenes elitare shqiptare; per momentin i paarritshem!

Ndoshta, njeriu duhet ta lexoje Lubonjen pa paragjykime dhe jo kur e ka krijuar qe me pare nje mendim per te. gjithe te mirat.

Julius said...

Self, Lubonja nuk ka lajthitje, ka gabime të cilat unë ia kam vënë re, pa ia shprehur. Po kjo e imja është satirë dhe Lubonja ska imunitet prej saj.
Me Lubonjën nuk bie dakort për rolin që duhet të ketë feja në shoqërinë shqiptare. Ndryshe nga ai, dua që shqiptarët të fitojnë imunitet prej mbetjeve fetare. Dhe për tu njohur, unë jam ateist ama produkt i një kolegji fetar dhe e them me plot bindje se në këtë çështje di ca më tepër se Lubonja.

Selfmaderadio said...

"Ndryshe nga ai, dua që shqiptarët të fitojnë imunitet prej mbetjeve fetare."

Nuk e kam te qarte se cfare ke pasur ndermend me mbetje fetare?

Per hir te argumentit, nuk mund t'i kundervihesh dikujt qe argumenton per fene me argumentin qe ti ke studiuar fene. I vetmi argument qe ndihmon kete diskutim eshte te thuash se ku eshte gabimi ne logjiken e Lubonjes. :D

Une jam dakort me Lubonjen kur ai pranon se nevoja per te besuar eshte ne natyren njerezore. Une shkoj edhe oak me larg dhe them se ka disa studime gjenetike qe insinuojne se predispozita per te besuar (ne pergjithesi) eshte e fiksuar tek gjenet.

Une nuk shoh asnje problem ketu. Problemi e hoh tek instrumentalizimi i fese per perfitime politike, apo te tjera perfitime.

Julius said...

Self, paske ndërmend të më lodhësh sot. :D
mgjse ngelesh gjithnjë një bashkëbiseduese e këndshme.
tre katër pika shpejt e shpejt.
- Lubonja nuk merr parasysh vendosjen me dhunë të këtij indetiteti fetar.
- Lubonja neglizhon trendin e përgjithshëm të gjithë liderëve fqinjë rreth fesë. Shiko Mustafa Qemal mbi fenë. Giusepe Garibaldi mbi fenë. Elefterios Venizelos mbi fenë. Këtë cënim të fetarizmit Lubonja ka qejf tia atribojë komunizmit si këndvështrimi më i egër kundër saj. Pra Lubonja bën komunizmin fajtor dhe nxjerr pa e njohur në thellësi, një identitet tjetër që është shumë më i rrezikshëm sesa ua merr mendja juve. Kërko lidhjen midis antisemitizmit dhe krishtërimit. Do të zbulosh se e gjitha ka filluar nga një xhelozi fetare foshnjarake dhe ka degjeneruar ne holokaust.
Lubonja neglizhon se feja (konkretisht ajo islame) ka sot pushtet politik. Dhe herën e fundit që feja ka patur pushtet të tillë, kanë ndodhur djegie në turrën e druve, gjueti shtrigash, kryqëzata etj etj.

Shiko tjetër gjë, sa % e klerit janë homoseksualë të fshehur dhe pedofilë?
Ti jeton në Zvicër, shtet shumë i zhvilluar. Sa % janë fetarë atje?
Shteti model imi është Suedia që ka dhe % më të madhe të ateistëve.

Julius said...

Ndërsa për nevojën që thua, e kam shprehur dhe në një vend tjetër.
Kalamanit që në kopësht nuk ka pse t'i mësohen përrallat për Jezusin. Le të mësojë nenet e kushtetutës dhe të argëtohen (pse jo?) duke gjykuar njeri tjetrin në ato që quhen sipas kodit penal "shkelje" dhe jo "mëkate".

Selfmaderadio said...

Julius,

mua me pelqejne diskutimet. Por nuk dua te te lodh. Doja vetem te te thoja, se nga kendveshtrimi i nje njeriu qe studion jeten, nje bote e dominuar vetem nga arsyeja do te ishte nje bote sterile, dhe me shume kosto te larte jetese. Ndoshta kjo eshte nje nga arsyet perse evolucioni seleksionoi homo sapiensin mesatar, dhe e la ate mbi mesatar apo nen mesatar si minoritet. Po, ketu jemi, flasim.

une kisha disa kunderargumenta te vegjel (e kam semundje profesionale, mos ma merr per keq) 1. njerezit gjithmone kane besuar: edhe kur nuk kishte religjion si institucion.
2. Me dhune apo pa dhune, fakti qe nje fe arrin te mbijetoje do te thote qe ka qene e suksesshme per te plotesuar frikerat e njeriut. Fakti qe ne shqiperi njerezit po ju rikthehen feve, dhe kete here pa dhune, flet per nevojen e tyre per te besuar dhe per te qene pjese e nje komuniteti besimtar. Cdo gje tjeter ka vetem vlere historike.
3. Ne nje fare menyre apo tjetren, cdo fe eshte futur me dhune, si pjese e politikes per te sunduar. Por, varet se cilin moment historik zgjedhim per reference. Dhe ketu, zgjedhja e momentit historik eshte gjithashtu politik :D
4. Njerezit do besojne gjithmone ne dicka. Ndoshta ne momentin kur njeriu do arrije ne ate pike qe te mos jete me i kercenuar nga vdekja, zoti (ky qe njohim ne sot) do dali nga skena si i panevojshem. Por, jam shume e sigurte qe do jete zevendesuar me nje zot tjeter. :D

Keto jane fjalet e nje ateisteje!

Julius said...

Po normalisht që do kishe kundërargumenta Self. Unë nuk prisja kurrsesi të dorëzoheshe kaq shpejt. :D
Problemi me "ne" shqiptarët përgjithësisht, është indiferenca ndaj fesë dhe gjykimi "mild" i saj apo "ec mo" se ska gjë.
Unë kam ca prova e argumenta të miat me të cilat do të përpiqem tu bind edhe ju.

Sa për sterilitetin e botës; We (humans) can fall in love. I do this all the time.:D (Siç thotë G. Carlin) Ndërsa për selektimin e qenies, biem dakort. Bota evolon në mënyrë uniforme. Po tjetër gjë ajo punë e tjetër gjë përfshirja në evolim e fesë që përmban të dhëna interesante.
Si psh…Po të ridrejtoj prapë tek evolucioni francez. Lidhja e protestantizmit me klasën borgjeze. Ortodoksisë dhe komunizmit. (t’i jap si key words. Nëse ke dëshirë lidhjet bëji vetë duke kërkuar) Shiko lidhjen e fesë më të forte ideologjike me popujt më pak të edukuar dhe më të varfër të planetit sot. Evolucioni i qenies nuk do të thotë mohimin e evolucionit të mëtejshëm. Siç shihet pak a shumë parimisht biem dakort, po jo në mënyrën sesi do e trajtojmë fenomenin. Ka aq fëlliqësi brenda organizimi fetar, sa duhet të quhet detyrë tia heqim ato. (Një peshkop grek bëka thirrje për luftë edhe po shkëmbejnë mesazhe “kërcënuese” me peshkopin sllavo-maqedons. (Me të sha i tredhuri nga ropt i thonë kësaj…)
Për më shumë, kam bërë ca shkrime nga Xha xhai këtu:
http://xhaxhai.wordpress.com/2008/04/30/feja-e-plackitur/

Për pikat tani:
1 – le të besojnë njerëzit pa institucion. Pa patur pushtet. Pa i vendosur kushte shtetit në lidhje me besimin. Këtë kam dëshirë të arrihet.
2 – Bëj një përpjekje të shohësh lidhjen midis mosedukimit dhe fesë, sidomos në Shqipëri. Përderisa e paskan “për shpirt” nuk do e kenë problem tua kujtosh se është vendosur me dhunë. Të çmitizonte këtë mit i kisha heq kapelen Lubonjës unë. Mgjse edhe atë e kam përfshirë në shkrim dhe si personazh pozitiv sidomos në parandalimin e qafëthyerjes së Nanos. :D
3- Sigurisht që ke të drejtë. Po Lubonja nuk mer përsipër të gjithë referencat. Nuk flet për inkuizicion, as për turra drush. E shikon të shkëputur prej dukurive negative. Po sigurisht që e bën për qëllime politike si antinacionalist dhe antikomunist. Lubonja, lexohet sipas bindjeve dhe përshtat problemin sipas zgjidhjes që i ka dhënë vetes. E për pasojë është gabim. (ok jo qesharak siç e kam shkru unë, po humori është humor..)
4- Në një pyetje të bërë a ekziston Zoti? Dikush u përgjigj: Përderisa ndikimi i tij në histori është kaq i madh, sigurisht që ekziston. Ky nuk është shumë problemi im. Problemi im është ekzistenca e tij futur nëpër kallupë organizimesh çnjerëzore dhe perverse. Zoti mund të ekzistojë pa u vrarë me zotët e tjerë pa u urryer me besimet e tjera…Këtij Zoti ok ia ha ekzistencën. Shumë konfuzohen mdis organizimit fetar dhe besimit. Besimi nuk humbet se humbi kisha. Po kisha ama dhe xhamia shtyjnë njerëzit nëpërmjet besimit të urrehen dhe vriten. Dhe në evolim, besoj se është gabim të vriten njerëz për shkak se “cili zot është më i miri”.

Selfmaderadio said...

Nuk dorezohem jo. Vonohem, por nuk dorezohem.

jemi pjeserisht dakort, por si e the edhe vete, i shohim gjerat pak ndryshe, dhe kam pershtypjen qe ti je paksa si me mision :D dhe ne kete pike je pak si ata qe shan :D.

shiko, qe ta mbyllim kapitullin e Lubonjes: ai qe i ben ti Lubonjes eshte interpretim. Une besoj qe Lubonaj eshte nje njeri teper i edukuar dhe nuk besoj se i ka shpetuar kapitulli i inkuizicionit. Por, ti je biased perkundrejt Lubonjes dhe e lexon ne kontekstin e paragjykimeve te tua. Une e lexoj pa paragjykime dhe shoh nje tjeter mesazh.

Tani, ti thua le te besojne njerezit por pa institucion. Idealiste, do thoja une. Sepse njeriu eshte qenie sociale, qenie grupi; dhe ne momentin qe fotmohet grupi lind automatikisht nevoja e rregullave, nevoja e institucioneve . Problemi nuk ehste institucioni por Pushteti. Ti i referohesh nje historie te institucionit te fese, pak rendesi ka se si quhet, qe eshte e pergjakshme dhe e mikluar nga pushteti. Po, vetem se e pare historikisht, institucioni fetar mbushi nje nevoje masive per nje institucion dhe e shfrytezoi kete nevoje. Roli i ketyre institucioneve zvenitet me lindjen e instituionit te shtetit. Fakti qe ky institucion arriti te zhbeje pushtetin institucional te fese tregon se shoqeria ka evoluar dhe ka nevoja te tjera. Eshte nje evolucion, etapat e se ciles nuk mund te kapercehen sepse cmimi do jete edhe me i larte.

Une jetoj ne nje vend te dualizuar midis katolicizmit dhe protestantizmit. NJe vend i emancipuar ku feja, edhe pse institucion, eshte ceshtje personale. NE nivel shoqeria, roli i ketij institucioni eshte ai i te dhenit individit qe gjithnje e me shume po behet i vetem, nje komunitet te bazuar ne vlera unikale, qe ju flasin te gjithe njerezve. Eshte nje komunitet alternativ, qe nga ana e tij ndihmon shume ne zgjidhjen e shume problemeve sociale. Eshte nje institucion qe e ka rigjetur veten jashte pushtetit, por pikerisht ne misionin e tij: qetesimin e shpirtrave. Nuk eshte as penetrant dhe as cinik. Por ishte nevoja ajo qe e solli ketu evolucionin, jo revolucioni. Prandaj, keto forma te ndryshme institucionesh qe bashkejetojne sot jetojne se ka nje nevoje per to. SIgurisht, nje i varfer eshte lehtesisht i manipulueshem; por nga ana tjeter besimi eshte per te kompensim per ato qe ai nuk i ka. Ti mund te luftosh ta bindesh kete njeri me llafe dhe nuk do arrish kurre. Per sa kohe qe ai jeton ne mizerje eshte shume cinike t'i heqesh atij edhe besimin. Me kupton? Gjerat jane te lidhura me njera-tjetren.

Julius said...

Mirë se u riktheve Self. Si Nemesis veproke.
Shpresoj që “misioni” të mos më kompromentojë idetë dhe mendimet. Apo mi ka kompromentuar already? :D
Kjo thënia tjetër se “unë jam si ata që shaj”, kur të kem bërë formulimin e duhur, besoj se duhet trajtuar veç si temë. Po një shembull e ke nga peshku para disa ditësh. Atë ku RD-ja kishte marrë komente shumë të drejta për të pasqyruar bindjet e veta dhe duke shtrembëruar bindjet e komentuesve. (dua të them që vërejtjen tënde e gjej të saktë, por në një botë tjetër më llogjike se kjo që po jetojmë)
Lidhet me evolimin edhe kjo.
Po edhe me një gjë tjetër...ka të bëjë me edukimin dhe ambjentin e çdo njeriu. Këtu ku jam unë psh ateistët janë me të vërtetë agresivë. Po edhe ti vetë do ishe nëse do shikoje Flakën e “shenjtë” të merrej me avion çarter e me paratë e tua si taksapaguese...Madje duke e nderuar të “shenjtën” flakë si burrë shteti.
Nuk është termi im “burrë shteti”, e përdorin gjerësisht nëpër gazeta...
Ta them dhe njëherë se kam qejf: “Flaka e “shenjtë” në Greqi, nderohet si burrë shteti dhe vjen me avion çarter”

Vijoj.. Në një situatë të tillë, vetëm indiferenca e Lubonjës si opinion formues, si edukues i masave është qëndrim i gabuar. Ai nuk e përfshin, nuk e gjykon, nuk e trajton si nevojë për ndryshim. Ai na orienton nëpërmjet artikujve tolerimin dhe lejimin e këtij organizimi siç është.
Unë më shumë jam i orientuar ndaj librit të Blushit (e kam lexuar) që jep një gjendje reale dhe mundësi reflektimi. Të njëjten frazë që përdor për mua, mund ta përdor unë në adresim të Lubonjës duke i thënë që ky e shikon Blushin me zili dhe paragjykim. (hajde merremi vesh pastaj, Self)
Idealiste është edhe teoria e Lubonjës kur ai kërkon një shoqëri lejuese ndaj kulturës së tjetrit pa paragjykime dhe pa marrë parasysh asimilimin e njërës kulturë te tjetra.
Por nga ana tjetër Lubonja nuk përmend rrezikun që mund të vijë në të ardhmen prej të frustruarve mendjepakë që feja ka rrezik t’i përdorë në vijën e parë të frontit. Nga analiza gjeopolitike, unë besoj se edhe konflikti i ardhshëm në botë do të jetë fetar...
Ka të dhëna të përgjithshme për këtë dhe mundësia është e madhe. (dhe kjo temë e hapur për këtë debat)

Vijmë te rreziku konkret; e pranuar prej teje se më të varfërit gënjehen më lehtë. Shqipëria është e varfër apo jo? Me dhënien e një dore të lirë fesë, mund të kompromentohen ata. Dhe vijmë te pjesa tjetër shumë interesante, madje objekt i studimit të Lubonjës: Identiteti grupor. Lubonja i ul rolin identitetit kombëtar dhe ngre atë fetar. Pra çfarë bëri në këtë rast? U kthye si para 100 e ca vjetësh ku individët e perandorisë osmane identifikoheshin me fenë.
Bota po shkon drejt globalizmit. Edhe kërkohet identiteti i grupit. Do gjendet një formë tjetër identifikimi, apo ai fetar që ka 1001 gjynahe me organizmin që ka?
(me shaka unë them edhe mendoj ndonjëherë se pas ca vjetësh njerëzit do identifikohen me shoqërinë shumëetnike ku punojnë.
(Nga të kemi? Do përgjigjet tjetri: Jam nga “swatch”, po ti? IKEA unë. :D)

Ti thua më tej se është cinike tia heqësh besimin. Unë them se është më cinike që ta bësh të besojë ne diçka të gënjeshtërt madje ta bësh të vdesë për këtë. Konflikti Izrael- Palestinë ka këtë natyrë. Si do e zgjidhim? Ti lëmë të vrasin veten palestinezët? Ti lëmë të vriten me izraelitët? Apo t’i ç’indroktinojmë ata që ta shohin botën me sy hapur? Të shohin hallet e veta, të protestojnë për to. Të kërkojnë të drejta njerëzore dhe legjitime dhe jo të drejtat fetare. Prapë, ju njësoj si Lubonja, bini në kontraditë sepse thoni se nuk duhet evolucion; po pse nuk merr parasysh gjë që e kam thënë, se feja është futur forcërisht. Ku qëndron ndryshimi?
Ironikisht, kur masat janë ngritur kundër institucioneve fetare me pushtet, i kanë fituar ato të drejta. Nuk të drejtova më kot te revolucioni francez. Shprehja “Iiberte legalite fraternite” ishte produkt revolucioni edhe kundër katolicizmit dhe klasës që këta përfaqësonin. Feja ortodokse në perandorinë osmane vilte taksat e të krishterëve edhe i dënonte madje kur nuk kishin të jepnin.
Së fundi, përgjithësisht puna që bën Lubonja është e bukur, me largimin ndaj miteve. Ai bën mirë që i zhvesh shqiptarët nga disa komplekse. Edhe unë i dua që ta shikojnë veten siç janë; të zhveshur, të uritur, të varfër. Vetëm kështu do të munden të synojnë gjithçka që ka për tu ofruar bota e madhe me globalizmin.
p.s Kot po vëreja njëherë, si ka mundësi që në rënien e saj Perandoria Osmane kishte të paktën tre pashallarë të mëdhenj shqiptarë? Ali pasha i Janinës, Mahmut Bushati i Shkodrës dhe Mehmet Aliu i Egjiptit. Arritën aty prej prakticitetit të natyrës dhe çuditërisht të tre ishin të çliruar ndaj komplekseve fetare. Tamam ajo që duhej në atë kohë kur bota po merrte tjetër formë. (më ngjan me kohët që jetojmë sot)

Julius said...

Se për pak e harrova; të shtoj disa organizata që shumë mirë mund të mbushin boshllëkun shpirtëror dhe nevojtar nëpërmjet humanizmit të tyre dhe jo doktrinës:
- Mjek pa kufi.
- Kryqi i Kuq Botëror.
- Shoqata për mbrojtje ndaj abuzimit të grave. (qendra për femrat e abuzuara)
- Alkoolistë anonimë.
- Psikologu në telefon.
- Shtëpia e fëmijës.

etj etj.

Julius said...

update

users online
 
Creative Commons License
Shkrimet e blogut Busulla jane te licensuara nen Creative Commons Autoresi-Jofitimprurese-Vepra te pandryshueshme 2.5 Italia License.